O BNG DE ANTAS PREGUNTA: U-LOS ORZAMENTOS...?

A situación de desgoberno na que vive Antas, queda ben demostrada na falla de debate orzamentario dende o ano 2004!!! Os orzamentos son unha obriga para o Grupo de Goberno, e así llo recordou o Consello de Contas de Galicia ao Sr. Alcalde, pero ademais representan a principal ferramenta de fiscalización da acción de goberno xa que neles prevense os programas de actuación e defínense as intencións políticas .
Cando na orde do día dun pleno ordinario aparece o recoñecemento de créditos para pagar a luz, o arranxo do tractor, o mantemento da fotocopiadora , os palcos da música, ou a orquestra da festa dos coches do ano pasado, ...etc, quere dicir que Antas nin ten Alcalde, nin equipo de Goberno que se ocupe de xestionar o concello .

Antas de Ulla sigue cos mesmos orzamentos dende hai catro anos. Iso é o mesmo que dicirlle a unha familia que se arranxe para comer co mesmo que daquela, ou que para combustible conte cos mesmos cartos que no 2004.

Desde estas liñas (no pleno xa llelo dixemos varias veces) queremos invitar aos concelleiros do PP a que traballen un pouco máis, que para iso algúns cobran, e presenten os orzamentos, para que os poidamos debater e aprobar ano a ano en tempo e forma debidos.

Srs. concelleiros do PP, cumpran coa súa obriga e traian os orzamentos ao Pleno .